Suedia ndalon martesat mes kushërinjve nga 1 korriku 2026

Parlamenti suedez ka miratuar një ligj të ri që ndalon martesat mes kushërinjve. Vendimi është marrë me mbështetjen e të gjitha partive në parlament dhe ligji do të hyjë në fuqi më 1 korrik 2026.

Sipas ligjit të ri, martesat mes kushërinjve do të ndalohen plotësisht, pa asnjë përjashtim. Gjithashtu, martesat mes kushërinjve që janë lidhur jashtë Suedisë, në përgjithësi nuk do të njihen më nga autoritetet suedeze.

Qeveria suedeze thotë se qëllimi i këtij ligji është të luftojë shtypjen dhe kontrollin e lidhur me nderin familjar, dhunën dhe format e tjera të presionit që mund të ushtrohen ndaj individëve për t’u martuar kundër dëshirës së tyre.

Ligji i ri parashikon edhe kufizime të tjera. Nuk do të lejohet martesa mes personave kur njëri është i afërm në vijë të drejtpërdrejtë pasardhëse me vëllain ose motrën e tjetrit. Po ashtu, gjysmëvëllezërit dhe gjysmëmotrat nuk do të kenë të drejtë të martohen me njëri-tjetrin. Ndalimi do të vlejë edhe për vëllezërit dhe motrat që kanë lidhje familjare përmes birësimit.

Ky ligj do të fillojë të zbatohet në të gjithë Suedinë nga data 1 korrik 2026.

Burimi:TT/Nyheter24

Link: https://nyheter24.se/nyheter/inrikes/1486242-nu-forbjuds-kusinaktenskap?fbclid=IwZXh0bgNhZW0CMTEAc3J0YwZhcHBfaWQPMjc1MjU0NjkyNTk4Mjc5AAEe_1S0FA-lQ_5cIoPECDtrRU0MVcDZpyv3OyfTkX0UzBUbL2nDecxNoBe46ew_aem_YdW5FoASmFkXm6vM_3iyHg