Suedia hap qendër kombëtare për të adoptuarit

Suedia do të hapë një qendër kombëtare mbështetëse për personat e adoptuar, një nga propozimet kryesore të komisionit për birësimet që u publikua vitin e kaluar. Vendimi u mor sot nga qeveria suedeze, raportojnë TV4 Nyheterna dhe gazeta DN.

Ndërkohë, për propozime të tjera të komisionit, si ndalimi i birësimeve dhe një kërkimfalje publike për personat e adoptuar, qeveria ende nuk ka marrë vendim.

Ministrja suedeze e Shërbimeve Sociale, Camilla Waltersson Grönvall, deklaroi për TV4 Nyheterna se kjo çështje është e ndjeshme dhe ngjall emocione të forta.

“Respekti për kompleksitetin e kësaj çështjeje dhe nevoja që propozimet e qeverisë të kenë gjerësi, thellësi dhe një perspektivë afatgjatë bëjnë që puna për këtë temë të vazhdojë”, tha ajo.

Sipas vendimit të qeverisë, qendra e re mbështetëse duhet të jetë funksionale jo më vonë se janari i vitit të ardhshëm. Qëllimi i saj është të mbledhë dhe koordinojë mbështetjen shtetërore për personat e adoptuar dhe familjarët e tyre.

Burimi: DN/TV4

Link: https://www.dn.se/sverige/regeringen-ger-adopterade-resurscentrum-ingen-ursakt-an/

https://www.tv4.se/artikel/EDUo4Iy6DzjOv5paQwOF5/nationellt-resurscentrum-foer-adopterade-inraettas