640 orë punë jashtë orarit pa pagesë, shpërndarësi i picave fiton 140 mijë krona.

Një burrë punonte si shpërndarës picash nga ora 11:00 deri në 21:00, pesë ditë në javë. Puna përfshinte gjithashtu punë çdo fundjavë dhe ai kishte pushim vetëm të mërkurën dhe të enjten, shkruan gazeta Arbetet.

Pavarësisht ditëve të gjata të punës dhe orareve të papërshtatshme, ai nuk mori as shtesa për orët jashtë orarit dhe as pagesë shtesë për punën në mbrëmje apo fundjavë (OB).

Piceria ku punonte burri kishte marrëveshje kolektive me sindikatën Hotell- och restaurangfacket, dhe për këtë arsye sindikata kërkoi që ai të merrte 300 mijë krona dëmshpërblim nga punëdhënësi për pagat, orët shtesë, shtesat OB, pushimet dhe dëmet.

Merr 140 mijë korona pas marrëveshjes

Piceria kundërshtoi pretendimet e sindikatës. Sipas tyre, burri nuk kishte punuar fare jashtë orarit; ata thanë se javët e tij të punës kishin qenë vetëm 30 ose 40 orë dhe pa orare të papërshtatshme.

Pas një marrëveshjeje në Arbetsdomstolen, shpërndarësi i picave do të marrë tani 140 mijë krona nga punëdhënësi, ndërsa sindikata do të marrë 30 mijë korona dëmshpërblim.

Burimi: Arbete/Nyheter24

Link: https://nyheter24.se/nyheter/inrikes/1486546-640-timmar-overtid-utan-lon-nu-far-mannen-140-000-kronor?utm_term=Autofeed&utm_medium=EB-Social&utm_source=Facebook&fbclid=IwdGRleASGV9FleHRuA2FlbQIxMQBzcnRjBmFwcF9pZAo2NjI4NTY4Mzc5AAEeU6bKhhK1y_ucX5b4Mt9VSUhiMYwotk-UDinGRjsvX7VKHgoJr7OhKQl5uIM_aem_hH4HMREBrnwGFMzkepTsIA#Echobox=1779966211