Sindikatat kritikojnë bankat “po i shtyjnë njerëzit të kursejnë më shumë seç duhet për pension”

Sindikatat Sveriges Ingenjörer kanë dalë me një kritikë të fortë ndaj bankave dhe kompanive të sigurimeve. Ata thonë se këto institucione po i nxisin njerëzit në Suedi të kursejnë privat për pension më shumë sesa është e nevojshme.

Në një artikull në DN Debatt, sindikatat vënë në dyshim një këshillë të zakonshme që jepet nga bankat dhe ekspertët financiarë: se për një pension të mirë duhet të kesh rreth 80% të pagës së fundit. Sipas tyre, kjo nuk është e saktë, sepse pensionistët zakonisht kanë shpenzime më të ulëta se njerëzit në moshë pune.

Sindikatat thonë gjithashtu se shumë familje tashmë kanë vështirësi financiare dhe megjithatë po nxiten të kursejnë edhe më shumë për pensionin. Ata theksojnë se shumë këshilltarë financiarë dhe ekonomistë punojnë për kompani që përfitojnë nga këto këshilla.

Po ashtu, ata kritikojnë edhe mediat, duke thënë se shpesh i transmetojnë këto mendime pa i vënë në pikëpyetje.

Në artikull ata bëjnë edhe një krahasim:
“Ne nuk do të pranonim që një ekonomist i industrisë së makinave nga një prodhues i madh automjetesh të dilte në televizion dhe të thoshte se të gjithë kanë nevojë për një makinë.”

Autorët e debatit janë:

• Stefan Holmberg, ekspert për pensione në sindikatën Sveriges Ingenjörer
• Johan Kreicbergs, shef i politikave shoqërore në Sveriges Ingenjörer

Burimi: DN

Link: https://www.dn.se/debatt/lyssna-inte-pa-bankernas-skrackpropaganda-om-pension/