Editoriale: Futboll, me politikën e SD-së, Ayari nuk do të kishte qenë suedez

Politika e migracionit është tema kryesore e përmbledhjes së sotme të editorialeve.

Gazeta Sydsvenskan shkruan, në lidhje me fitoren e thellë të Suedisë kundër Tunizisë dhe dy golat e shënuar nga Yasin Ayari. Ai është mysliman praktikant dhe ka rrënjë nga Tunizia.

Faqja editoriale kujton se lideri i SD-së, Jimmie Åkesson, ka thënë më herët se e ka të vështirë të kuptojë se si një mysliman praktikant mund të jetë edhe suedez.

Përfundimi i shkrimit është se nëse politika e emigracionit e partive të Marrëveshjes së Tidö do të kishte qenë në fuqi në vitet ’90, kur babai i Yasin Ayarit kërkoi të vinte në Suedi, atëherë Ayari ndoshta nuk do të ishte bërë shtetas suedez. Në atë rast, ai do të kishte luajtur për ekipin kundërshtar.

Në gazetën Göteborgs-Posten, Erik Thyselius shkruan se organizata Amnesty International po e dëmton besueshmërinë e saj duke i quajtur kërkesat e qeverisë për sjelljen e të huajve “ligje racore”.

Ai thotë: “Por të vendosësh kërkesa që njerëzit të sillen mirë dhe të mos kryejnë krime kur janë në vend nuk është aspak racizëm.”

Edhe gazeta Aftonbladet shkruan për këto kërkesa për sjellje, por mban anën e Amnesty-t. Sipas autores Zina Al-Dewany, ekziston rreziku që njerëzit të ndalojnë së organizuari dhe së shprehuri mendimet e tyre.

Burimi: Afronbladet/GP/Sydsvenska

Link: https://www.aftonbladet.se/ledare/a/PdjGbe/var-tog-ditt-hjarta-vagen-nu-forssell

https://www.sydsvenskan.se/opinion/huvudledare/om-akesson-fatt-bestamma-hade-yasin-ayari-spelat-for-tunisien/

https://www.gp.se/ledare/krav-pa-god-vandel-ar-inte-rasism.ea8edfc6-bb29-41c4-b86f-aa964b1541ef