Pas disa ditësh freskie, vapa e verës rikthehet në Suedi

Pas temperaturave të larta që shënuan fundjavën e festës së Mesverës (Midsommar), moti në Suedi do të freskohet në fillim të javës së ardhshme, njofton SMHI.

Sipas parashikimeve, një sistem me presion të ulët atmosferik do të përfshijë vendin, duke sjellë temperatura më të ulëta se ato të ditëve të fundit. Në jug të Suedisë moti pritet të jetë kryesisht me diell, ndërsa në pjesët veriore do të ketë më shumë vranësira dhe reshje shiu.

Megjithatë, kjo periudhë më e freskët nuk do të zgjasë shumë. Nga fundjava e ardhshme, temperaturat do të rriten sërish ndjeshëm dhe në shumë zona pritet rikthimi i vapës së verës.

Meteorologu Erik Höjgård-Olsen nga SMHI ka deklaruar për agjencinë e lajmeve TT se në disa pjesë të vendit temperaturat mund të kalojnë edhe 30 gradë Celsius.

Nëse parashikimet realizohen, Suedia mund të përjetojë valën e parë të vërtetë të të nxehtit për këtë vit.

Burimi: SMHI/Omni/TT/Klart/Aftonbladet

Link: https://tt.omni.se/smhi-kan-bli-arets-forsta-varmebolja/a/d4qm81

https://www.klart.se/väderkartor/temperatur/#3.51/63/14.5

https://www.aftonbladet.se/nyheter/a/K8Wp6o/da-gor-sommarvarmen-comeback