Skåne mund të thyejë rekordin e të nxehtit në Suedi gjatë fundjavës. Ja temperaturat më të larta të regjistruara në vend?

Temperaturat në rajonin e Skånes mund të arrijnë nivele rekord gjatë fundjavës. Sipas meteorologes së Institutit Suedez të Meteorologjisë dhe Hidrologjisë (SMHI), Magdalena Folestad, ekziston mundësia që rekordi kombëtar suedez prej 38 gradë Celsius të barazohet.

Ajo tha për gazetën suedeze Sydsvenskan se rreziku më i madh për temperatura rekord është në pjesët lindore të Skånes.

Rekordi më i lartë i temperaturës i regjistruar ndonjëherë në Suedi është 38 gradë Celsius. Ky rekord është matur vetëm dy herë në historinë e vendit: në Uppsala në vitin 1933 dhe në Målilla të Smålandit në vitin 1947.

Ndërkohë, SMHI ka lëshuar një paralajmërim të verdhë për temperatura të larta në pjesën më të madhe të Blekinges gjatë së enjtes. Për fundjavën, paralajmërimi do të zgjerohet dhe do të përfshijë edhe pjesë të Skånes, Smålandit, Hallandit, Västergötlandit dhe Östergötlandit.

Meteorologët po ndjekin me vëmendje zhvillimin e situatës, pasi temperaturat e ditëve në vijim mund të afrohen ose edhe të barazojnë rekordin historik të të nxehtit në Suedi.

Burimi: SMHI/Sydsvesnkan

Link: https://www.sydsvenskan.se/sydsvenskan-direkt/?ifr-dir-postId=0d9227e7-de50-4962-8e56-c387c93c94f4

https://www.smhi.se/vader/prognoser-och-varningar/varningar-och-meddelanden/varningar

https://www.smhi.se/nyheter/nyheter/2022-07-22-hogsta-temperaturen-i-sverige-sedan-1947#:~:text=Torsdagen%20den%2021%20juli%20rapporterades,37%2C0°%20i%20Härsnäs.