Çmimi i benzinës në Suedi bie në nivelin më të ulët që nga viti 1999, pritet fluks i norvegjezëve

Nga dita e mërkurë, Suedia do të ketë disa nga çmimet më të ulëta të benzinës në Evropë, pas uljes së përkohshme të taksave nga qeveria. Sipas agjencisë TT, çmimi i benzinës pritet të zbresë në rreth 13 krona për litër, niveli më i ulët i regjistruar që nga viti 1999.

Shoqata e industrisë së karburanteve, Drivkraft Sverige, parashikon një fluks të madh të drejtuesve të automjeteve në pikat e karburantit, veçanërisht të norvegjezëve, të cilët pritet të kalojnë kufirin për të përfituar nga çmimet më të lira.

David Sällh, përgjegjës për gatishmërinë në Drivkraft Sverige, thotë se kërkesa e lartë mund të bëjë që në disa pika karburanti të mungojë përkohësisht benzina.

“Është e mundur që për disa orë të ketë mungesë karburanti në disa pompa,” u shpreh ai.

Burimi: TT/Omni/msverige/efn

Link:https://tt.omni.se/svensk-bensinskatt-sanks-norsk-rusning-vantas/a/M7E2Am

https://msverige.se/media/pyfbgoox/m-sverige-lista-bensin-och-dieselpriser-europa.pdf

https://efn.se/regeringens-krisstod-175-miljarder-kronor