Emigracion: Suedia do të vlerësojë njohuritë e gjuhës suedeze: “Kemi një ekip A dhe një ekip B”

Qeveria suedeze ka njoftuar se do të nisë një hetim për të vlerësuar njohuritë e gjuhës suedeze në vend. Sipas një njoftimi për shtyp, qëllimi është të përgatiten propozime për forcimin e njohjes së gjuhës suedeze te personat e lindur jashtë Suedisë. Synimi është që më shumë prej tyre të kenë mundësi të gjejnë punë, të kuptojnë më mirë normat dhe rregullat e shoqërisë suedeze dhe të integrohen më lehtë.

“Ne kemi një grup njerëzish që janë pjesë e shoqërisë dhe një grup që kanë mbetur jashtë saj, një ekip A dhe një ekip B”, tha Simona Mohamsson nga Partia Liberale në një intervistë për gazetën Dagens Nyheter (DN).

Hetimi do të drejtohet nga deputeti Mauricio Rojas, gjithashtu nga Partia Liberale. Ai tha për Dagens Nyheter se do të vizitojë zonat që policia i klasifikon si të cenueshme dhe do të zhvillojë intervista me mësues, studiues dhe persona të tjerë, për të krijuar një pasqyrë më të qartë mbi nivelin e njohjes së gjuhës suedeze dhe sfidat që lidhen me integrimin.

Burimi:DN/Cision

Link: https://news.cision.com/se/arbetsmarknadsdepartementet/r/ny-utredning-ska-starka-det-svenska-sprakets-stallning,c4368125

https://www.dn.se/sverige/regeringen-kartlagger-svenskans-stallning-i-utsatta-omraden/