Suedi: Përgjysmohen çmimet e abonimeve mujore për transportin publik, rregulla të ndryshme për abonimet vjetore

Nga dita e mërkurë hyjnë në fuqi çmimet e reja për transportin publik në Suedi. Abonimet mujore do të kushtojnë 50% më pak, falë një financimi të përkohshëm prej miliardash nga partitë e koalicionit Tidö.

Ndërkohë, për qytetarët që kanë blerë tashmë abonime vjetore, rregullat ndryshojnë nga një rajon në tjetrin. Sipas një përmbledhjeje të bërë nga TV4 Nyheterna, vetëm disa rajone lejojnë kthimin ose rimbursimin e abonimeve vjetore të blera më herët.

Rajoni i Stokholmit është një nga rajonet që e ofron këtë mundësi.

“Ne duam t’i shpërblejmë udhëtarët që kanë zgjedhur tashmë të përdorin transportin publik”, tha Andreas Strömberg, zëdhënës për shtyp i Rajonit të Stokholmit.

Nga ana tjetër, Skåne është një nga pesë rajonet që nuk lejojnë kthimin ose rimbursimin e abonimeve vjetore.

Burimi: TV4

Link: https://www.tv4.se/artikel/36YcamhMRPgV2AV8DcPdBO/nu-halveras-priset-i-kollektivtrafiken-fa-regioner-betalar-tillbaka