Industria suedeze vazhdon të forcohet, rritet indeksi PMI

Industria suedeze po vazhdon të japë shenja të qarta të rimëkëmbjes dhe forcimit. Indeksi i Menaxherëve të Blerjeve (PMI) për muajin qershor u rrit në 58.3 pikë, nga 57.4 pikë që ishte në muajin maj. Sipas të dhënave të publikuara nga Silf dhe Swedbank, ky indeks ka qëndruar mbi mesataren e tij historike për më shumë se një vit.

Sipas përgjegjësit për analiza, Jörgen Kennemar, industria suedeze vazhdon të tregojë forcë. Ai tha se rezultati i muajit qershor konfirmon se rimëkëmbja është përhapur më gjerësisht, falë rritjes së porosive, shtimit të prodhimit dhe planeve të vazhdueshme për zgjerimin e prodhimit në muajt e ardhshëm.

Faktori kryesor që ndikoi në rritjen e indeksit ishte rritja e fortë e porosive në sektorin industrial, e cila po i jep një shtysë të rëndësishme zhvillimit dhe vazhdimit të rritjes së industrisë suedeze.

Link: https://news.cision.com/se/swedbank/r/pmi-steg-till-58-3-i-juni—stark-avslutning-av-andra-kvartalet,c4369536