Inflacioni në eurozonë bie më shpejt se sa pritej

Inflacioni në eurozonë ka rënë më shpejt se sa ishte parashikuar. Sipas të dhënave të Eurostat, norma e inflacionit në qershor ka zbritur në 2.8%, nga 3.2% që ishte në muajin maj. Kjo shifër është më e ulët se pritjet e analistëve, të cilët kishin parashikuar një inflacion prej 3.0%.

Edhe inflacioni bazë ka rënë më shumë se sa pritej, duke zbritur në 2.4 %, nga 2.6% në muajin maj.

Rënie të dukshme janë regjistruar në ekonomitë e mëdha të eurozonës, si Gjermania, Franca dhe Italia, dhe kjo ka ndikuar në uljen e përgjithshme të inflacionit. Në Francë, inflacioni ka rënë në 2.0%, nga 2.8% që ishte një muaj më parë.

Sipas raportimeve të Wall Street Journal, kjo rënie lidhet kryesisht me uljen e çmimeve të energjisë. Kjo ka ardhur pas uljes së tensioneve mes Shteteve të Bashkuara të Amerikës dhe Iranit, gjë që ka ndikuar në stabilizimin e tregjeve të energjisë.

Burimi: ec.europa/tradingeconomics

Link: https://ec.europa.eu/eurostat/web/products-euro-indicators/w/2-01072026-ap

https://tradingeconomics.com/euro-area/inflation-cpi