Çmimet e banesave vazhdojnë të rriten, ekspertët presin që kjo prirje të vazhdojë.

Çmimet e banesave në Suedi vazhduan të rriten edhe gjatë muajit qershor, madje më shumë se sa është zakonisht për këtë periudhë të vitit, njofton agjencia e lajmeve TT.

Sipas të dhënave të reja nga banka shtetërore e kredive hipotekare SBAB, çmimet u rritën me 0,4 për qind në qershor, krahasuar me muajin maj. Edhe pse rritja duket e vogël, kryeekonomisti i SBAB-së, Robert Boije, thotë për TT se kjo është një rritje e fortë për muajin qershor.

Rritja më e madhe e çmimeve u shënua te shtëpitë private dhe apartamentet në pjesën qendrore të Suedisë. Në të kundërt, në veri të vendit dhe në rajonin e Göteborgut të Madh, çmimet ranë.

Robert Boije parashikon se çmimet e banesave do të vazhdojnë të rriten me 4 deri në 5%  gjatë viteve 2027 dhe 2028.

Me shifrat e publikuara sot, rezulton se çmimet e banesave janë rritur në secilin prej gjashtë muajve të parë të këtij viti, sipas indeksit të çmimeve të banesave të SBAB dhe Booli.

Burimi: Omni/TT/SBAB

Link: https://tt.omni.se/bostadspriser-steg-mer-an-vanligt-i-juni/a/pBrql6

https://www.sbab.se/1/om_sbab/press/arkiv_publicering/pressmeddelande/2026-07-02_bostadspriserna_steg_mattligt_i_juni_-_men_samtidigt_mer_an_vad_de_brukar_gora_den_forsta_sommarmanaden.html