Rregull i ri në BE: makina të reja me sistem që kontrollon shoferin dhe jep sinjal zanor

Nga data 7 korrik 2026, në Bashkimin Evropian të gjitha makinat e reja që regjistrohen duhet të kenë një sistem të ri që kontrollon ku shikon shoferi gjatë ngarjes.

Ky sistem përdor kamera dhe sensorë brenda makinës për të parë lëvizjet e syve dhe të kokës së shoferit. Nëse shoferi shpërqendrohet dhe nuk shikon rrugën, makina jep menjëherë sinjal zanor paralajmërues.

Sistemi quhet ADDW (Advanced Driver Distraction Warning) dhe sipas rregullave të BE-së, ai duhet të aktivizohet automatikisht sa herë ndizet makina. Mund të fiket, por vetëm përkohësisht, dhe duhet të çaktivizohet përsëri në çdo nisje të re të makinës.

Çfarë bën sistemi?

Sistemi kontrollon:

• ku shikon shoferi (rrugën apo diku tjetër)
• sa kohë largohet shikimi nga rruga
• lëvizjet e kokës
• në disa raste edhe shenja lodhjeje si mbyllja e ngadaltë e syve dhe gogësimat

Kur reagon?

Makina jep paralajmërim kur:

• shoferi shikon larg rrugës për shumë kohë
• shikimi largohet disa herë
• sistemi mendon se shoferi nuk është i përqendruar

Si paralajmëron?

• me sinjal zanor (Bip)
• me paralajmërim në ekranin ose panelin e makinës
• në disa makina edhe me dridhje në timon ose në sedilje

Kritikat

Ekspertë dhe gazetarë të teknologjisë thonë se sistemi ka probleme. Sipas tyre, ai nuk funksionon gjithmonë si duhet dhe mund të shqetësojë shoferët.

Ata thonë gjithashtu se sinjalet zanore nuk janë të njëjta në të gjitha makinat: disa janë të qeta, ndërsa disa të tjera shumë të forta dhe të papritura.

Organizata e sigurisë Euro NCAP gjithashtu thotë se sistemi është shumë i ndjeshëm. Ata mendojnë se shoferi duhet të mund të bëjë veprime si ulja e radios ose ndryshimi i klimës pa u aktivizuar alarmi.

Disa kompani makinash si Fiat, Renault dhe Mitsubishi kanë vendosur butona të shpejtë që lejojnë çaktivizimin më të lehtë të sinjalit zanor.

Rreziku për privatësinë

Eksperti i sigurisë kibernetike në Universitetin e Skövdes, Marcus Nohlberg, thotë se ka rrezik për privatësinë, sepse makinat do të mbledhin shumë të dhëna për sjelljen e shoferëve.

Sipas tij, krijimi i këtyre të dhënave mund të jetë problematik sepse përfshin informacion të detajuar mbi mënyrën si njerëzit drejtojnë makinën.

Burimi: Carup

Link:https://carup.se/ny-regel-i-morgon-nytt-pipljud-i-bilar-omojligt-stoppa/#google_vignette