Qeveria suedeze shqyrton mundësinë e vendosjes së rrugëve me pagesë

Qeveria suedeze ka nisur një hetim për të shqyrtuar mundësinë e krijimit të një kompanie shtetërore për ndërtimin e rrugëve. Nëse ky projekt realizohet, në të ardhmen disa rrugë në Suedi mund të financohen nga drejtuesit e automjeteve që i përdorin, përmes tarifave të veçanta.

Sipas gazetës Dagens Nyheter (DN), kompania e re shtetërore do të mund të konkurronte me Administratën Suedeze të Transportit (Trafikverket) në ndërtimin e rrugëve. Një model i tillë përdoret tashmë në Norvegji, ku disa rrugë financohen përmes tarifave që paguhen nga drejtuesit e automjeteve në pikat e pagesës.

Po ashtu, qeveria i ka ngarkuar Trafikverket-it detyrën të hartojë një plan për mënyrën se si bashkëpunimi mes sektorit publik dhe atij privat (OPS) mund të përdoret në ndërtimin e infrastrukturës, thuhet në një njoftim për shtyp.

Sipas DN, kjo mund të hapë rrugën për përdorimin e kapitalit privat, me qëllim që të përshpejtohen disa projekte rrugore në pjesë të ndryshme të Suedisë.

Burimi: DN/Regeringen/Inkopsradet

Link: https://www.dn.se/ekonomi/regeringen-oppnar-for-betalvagar-kalla-det-garna-systemskifte/

https://www.regeringen.se/pressmeddelanden/2026/07/regeringen-oppnar-for-att-infora-nya-former-for-att-finansiera-och-organisera-utvecklingen-av-transportinfrastrukturen/?mtm_campaign=Pressmeddelande&mtm_source=Pressmeddelande&mtm_medium=email