Moderatët: Burrat që ushtrojnë dhunë ndaj grave nuk duhet të marrin shtetësinë suedeze

Personat që dënohen për dhunë në marrëdhënie të afërta nuk duhet të kenë të drejtë të marrin shtetësinë suedeze. Kështu deklaroi ministri i Migracionit, Johan Forssell (Moderatët), në një prononcim për agjencinë suedeze të lajmeve TT.

Sipas premtimit zgjedhor të Partisë Moderatore, një person mund të skualifikohet nga marrja e shtetësisë suedeze, pavarësisht se kur është kryer vepra penale ose kur është vuajtur dënimi.

Johan Forssell tha se dhuna në marrëdhëniet e afërta është një problem që gjendet në të gjitha shtresat e shoqërisë, përfshirë edhe te suedezët etnikë.

Ai shtoi se ka burra që mbështesin një kulturë të neveritshme nderi, e cila, sipas tij, ka më shumë të përbashkëta me Mesjetën sesa me Suedinë e vitit 2026.

Moderatët propozojnë gjithashtu që të rishikohen rregullat për lejet e qëndrimit të grave që largohen nga marrëdhënie të dhunshme. Sipas partisë, kjo do të ndihmonte që këto gra të mos mbeten në një situatë varësie.

Burimi:Omni/TT/DN

Link:https://tt.omni.se/m-forslag-man-som-slar-ska-inte-fa-bli-svenskar/a/GxOb7x

https://www.dn.se/sverige/m-valdtaktsdomda-ska-inte-kunna-bli-svenska-medborgare/