Nga 30 në 15 gradë, Suedia përgatitet për një ndryshim të madh të motit.

Një ndryshim i madh i motit pritet të përfshijë Suedinë gjatë fundjavës, raporton gazeta suedeze Expressen. Pas ditëve me temperatura të larta, shumë qytetarë që sot po freskohen me akullore ose po përdorin ventilatorë, së shpejti mund të kenë nevojë të veshin një rrobë më të trashë.

Në disa zona që aktualisht janë nën paralajmërimin për temperatura të larta nga Instituti Meteorologjik Suedez (SMHI), temperatura pritet të zbresë deri në 15 gradë gjatë fundjavës. Në disa vende mund të jetë edhe më e ulët se kaq. Përveç rënies së temperaturave, në disa rajone parashikohen edhe reshje shiu.

Meteorologia e SMHI-së, Fanny Saarela, thotë se nëse temperatura gjatë ditës zbret në vetëm 12–13 gradë, moti mund të japë ndjesinë se ka ardhur vjeshta.

Temperatura më të ulëta priten në të gjithë Suedinë, por ndryshimi më i madh do të ndihet në rajonet Svealand dhe Götaland, ku rënia e temperaturave do të jetë më e theksuar.

Burimi: Expressen/SMHI

Link:https://www.expressen.se/nyheter/sverige/hart-vaderomslag–smhi-kan-kannas-som-host/

https://www.smhi.se/vader/prognoser-och-varningar/varningar-och-meddelanden/varningar