Gjendja në tregtinë suedeze arrin nivelin më të lartë në katër vitet e fundit

Ekonomia e Suedisë po vazhdon të forcohet. Këtë e tregojnë të dhënat më të reja të publikuara nga Instituti Kombëtar i Kërkimeve Ekonomike (Konjunkturinstitutet).

Sipas raportit, treguesi i besimit ekonomik (Barometerindikatorn) u rrit në muajin korrik për të tretin muaj radhazi, duke arritur në 104,7 pikë, nga 102,1 pikë në qershor, shifër e cila ishte rishikuar më parë.

Instituti thekson se besimi është rritur edhe më shumë në industrinë prodhuese, ndërsa në sektorin e tregtisë është shënuar një rritje e fortë.

Treguesi i besimit në tregti arriti në 112,9 pikë, niveli më i lartë që nga muaji mars i vitit 2022, duke e bërë këtë sektor më të fortin në ekonomi për momentin.

Ndërkohë, familjet vazhdojnë të mbeten sektori me nivelin më të ulët të besimit ekonomik. Megjithatë, raporti tregon se pesimizmi i tyre është zbutur disi krahasuar me muajt e mëparshëm.

Burimi: Konjunkturinstitutet

Link: https://www.konj.se/publikationer/konjunkturbarometern/2026-07-30-barometerindikatorn-nu-starkare-an-normalt/