Java sjell mot tipik vere në Suedi, me diell, reshje dhe temperatura rreth 20 gradë

Pas disa ditësh me mot të ngrohtë dhe të thatë, fundjava dhe java që vjen do të karakterizohen nga mot tipik veror në Suedi.

Meteorologia e Institutit Suedez të Meteorologjisë (SMHI), Eva Strandberg, tha për gazetën Aftonbladet se nuk priten valë të të nxehtit, por gjatë javës do të kalojnë herë pas here reshje shiu.

“Nuk do të ketë valë të nxehti. Do të ketë pak reshje, por mes tyre do të ketë disa ditë me diell, mot të kthjellët dhe temperatura të këndshme rreth 20 gradë”, tha ajo.

Në pjesën veriore të Suedisë pritet mot me më shumë reshje shiu. Ndërsa në rajonet Svealand dhe Götaland do të ketë më shumë diell, mot të thatë dhe temperatura mbi 20 gradë Celsius, veçanërisht në zonat lindore.

Sipas Eva Strandberg, rreziku për zjarre në natyrë vazhdon të mbetet i lartë në shumë pjesë të vendit. Megjithatë, reshjet që priten gjatë ditëve në vijim do të ndihmojnë në uljen e këtij rreziku.

Burimi: Aftonbladet

Link: https://www.aftonbladet.se/nyheter/a/9prW9p/sa-blir-vadret-pa-mangas-sista-semesterdagar