Shi në jug javën e ardhshme, rreziku për zjarre mund të ulet.

Javën e ardhshme, një sistem me presion të ulët atmosferik do të përfshijë jugun e Suedisë. Të mërkurën pritet të bien sasi të mëdha shiu, thotë meteorologia e TV4, Ingrid Eronn.

“Jemi ende disa ditë larg, kështu që nuk dihet saktësisht sa reshje do të ketë. Por duket se mund të kalojë një valë me shumë rreshje shiu.”

Sipas saj, këto reshje janë shumë të nevojshme për shkak të thatësirës. Instituti Meteorologjik Suedez (SMHI) ka paralajmëruar për rrezik shumë të lartë të zjarreve në pyje në rajonet Götaland dhe Svealand.

Deri atëherë, moti në jug do të mbetet me diell, vranësira të ndryshueshme dhe temperatura rreth 20°C. Në mes të javës, bashkë me reshjet do të depërtojë edhe ajër më i ngrohtë, duke i çuar temperaturat në 20–25°C.

Në veri të vendit pritet mot me vranësira të ndryshueshme, reshje të herëpashershme shiu dhe temperatura rreth 15°C.

Burimi: TV4

Link:https://www.tv4.se/artikel/2MTh5miOppKs8ZeThFkzQj/ordentligt-regnvaeder-i-sikte