Çmimet e apartamenteve bien në Suedi, rënia më e madhe në Stokholm.

Çmimet e apartamenteve në bashkëpronësi   (bostadsrätt) në Suedi ranë me 1,5% gjatë muajit korrik, sipas të dhënave të Svensk Mäklarstatistik.

Rënia më e madhe u regjistrua në Stokholm dhe zonat përreth, ku çmimet e apartamenteve ranë me 2,5%.

Në të njëjtën kohë, çmimet e vilave dhe shtëpive individuale në të gjithë Suedinë u rritën me 0,9%.

Sipas Oskar Öholm, drejtor ekzekutiv i shoqatës së agjentëve imobiliarë Mäklarsamfundet, një nga arsyet kryesore është ndryshimi sezonal në tregun e banesave.

“Po shohim një efekt të qartë sezonal, sidomos në tregun e apartamenteve në bashkëpronësi. Numri më i vogël i shitjeve në zonat ku çmimet janë të larta po ndikon në uljen e shifrave”, thotë Oskar Öholm.

Megjithatë, tregu i banesave ka pasur shumë shitje gjatë këtij viti. Numri i shitjeve gjatë periudhës janar–korrik ishte më i larti që nga vitet e pandemisë.

Kjo do të thotë se, pavarësisht rënies së çmimeve të apartamenteve në korrik, aktiviteti në tregun suedez të banesave ka qenë i lartë gjatë shtatë muajve të parë të vitit.

Burimi: Maklarstatistik

Link:https://www.maklarstatistik.se/pressmeddelanden/sjunkande-priser-pa-bostadsratter-medan-villorna-okade-i-juli/