Linjat ajrore, “shkelësit” më të mëdhenjë në listën e zezë të Råd & Rön

Industria e automjeteve, kompanitë e ndërtimit dhe firmat e udhëtimeve janë ndër kategoritë që shfaqen më shpesh në “Listën e Zezë” të revistës suedeze Råd & Rön. Lista përditësohet dy herë në vit dhe përfshin kompanitë që nuk respektojnë vendimet e Bordit të Përgjithshëm Suedez të Ankesave (ARN).

Revista suedeze Råd & Rön ka publikuar edhe këtë herë “Listën e Zezë”, ku përfshihen kompanitë që nuk kanë zbatuar vendimet e marra nga Bordi i Përgjithshëm Suedez i Ankesave (ARN).

“Lista e Zezë” përditësohet dy herë në vit dhe përfshin kompani nga fusha të ndryshme. Ndër kategoritë që shfaqen më shpesh janë industria e automjeteve, kompanitë e ndërtimit dhe zejtarët, si dhe kompanitë e udhëtimeve.

Sipas Råd & Rön, te kompanitë e ndërtimit dhe zejtarët ankesat shpesh lidhen me shuma të mëdha parash. Megjithatë, te kompanitë ajrore situata është disi ndryshe.

Ajo që bie më shumë në sy te linjat ajrore është numri i madh i rasteve dhe ankesave.

Këtë e tha Jonas Rydberg, përfaqësues i Råd & Rön, gjatë emisionit “Nyhetsmorgon” në TV4.

“Janë kompanitë ajrore ato që janë të mëdhenjtë shkelës, mund të thuhet”, tha Rydberg.

Në këtë mënyrë, linjat ajrore dalin në pah si një nga kategoritë më problematike në “Listën e Zezë”, jo domosdoshmërisht për shkak të shumave më të mëdha të parave, por për shkak të numrit të madh të rasteve ku kompanitë nuk kanë ndjekur vendimet e ARN-së.

Burimi:TV4/Radron

Link: https://www.tv4.se/artikel/6MmzmEwuguhjWf5xDRkLqz/haer-aer-branscherna-som-sticker-ut-pa-rad-and-roens-svarta-listan

https://www.radron.se/svarta-listan/artiklar/varstingarna-finns-i-resebranschen/