Pagat në Suedi u rritën me 3,7%, familjet kanë më shumë fuqi blerëse.

Pagat në Suedi janë rritur me 3,7% në muajin qershor, krahasuar me të njëjtin muaj të vitit të kaluar. Të dhënat janë bërë publike nga Instituti Suedez i Ndërmjetësimit (Medlingsinstitutet) dhe janë shifra paraprake.

Rritja e pagave ka sjellë edhe më shumë fuqi blerëse për familjet, pasi inflacioni është më i ulët se më parë.

Sipas të dhënave, pagat reale, pra sa mund të blejnë familjet me të ardhurat e tyre pasi merret parasysh inflacioni, u rritën me 2,4% gjatë një viti.

Në qershor, inflacioni ishte 1,3%, i matur sipas KPIF, indeksit të çmimeve të konsumit që përdoret në Suedi dhe që merr parasysh edhe normën fikse të interesit.

Kjo do të thotë se, edhe pse çmimet vazhdojnë të rriten, pagat janë rritur më shumë se inflacioni. Si rezultat, familjet kanë sot një fuqi blerëse më të madhe se një vit më parë.

Instituti Suedez i Ndërmjetësimit thekson se shifrat për pagat në qershor janë ende paraprake dhe mund të ndryshojnë kur të publikohen të dhënat përfundimtare.

Burimi:MI

Link: https://www.mi.se/nyheter/2026/stigande-realloner-i-juni/