Qeveria suedeze kërkon rregulla më të ashpra për shkollat private për arsye sigurie

Qeveria suedeze dëshiron të vendosë rregulla të reja për shkollat private, të njohura në Suedi si friskolor. Qëllimi është që këto shkolla të mos mund të drejtohen nga aktorë ose kompani me bazë jashtë Bashkimit Evropian (BE) dhe jashtë vendeve me të cilat Suedia ka marrëveshje bashkëpunimi: Norvegjisë, Islandës dhe Lihtenshtajnit.

Qeveria ka bërë të ditur se do të nisë një hetim për të shqyrtuar rregullat e reja.

Vendimi lidhet me shqetësimet për sigurinë e Suedisë. Sipas Institutit Suedez të Kërkimeve për Mbrojtjen, Totalförsvarets forskningsinstitut (FOI), ekziston rreziku që një shtet i huaj armiqësor të investojë në shkollat suedeze me qëllim që të ndikojë në shoqërinë demokratike.

Qeveria paralajmëron se investimet e tilla mund të përdoren për të krijuar ndikim të huaj në sistemin arsimor suedez.

Ministrja e Arsimit dhe Integrimit, Simona Mohamsson, thotë se shkollat suedeze nuk duhet të përdoren si rrugë për interesa të huaja apo për spiunazh.

“Shkolla suedeze nuk duhet të bëhet kurrë një derë e pasme për interesa të huaja ose spiunazh”, deklaroi Mohamsson në njoftimin për shtyp të qeverisë.

Sipas propozimit të qeverisë, rregullat e reja do të synojnë të kufizojnë mundësinë që aktorë nga jashtë BE-së, Norvegjisë, Islandës dhe Lihtenshtajnit të drejtojnë shkolla private në Suedi.

Qeveria e lidh këtë masë me nevojën për të mbrojtur shkollat dhe shoqërinë suedeze nga ndikimi i mundshëm i shteteve të huaja armiqësore.

Burimi:TT/Omni/Regeringen

Link:https://tt.omni.se/regeringen-vill-se-skarpta-regler-for-friskolor/a/16wneQ

https://www.regeringen.se/pressmeddelanden/2026/09/ytterligare-skarpta-villkor-for-enskilda-huvudman-inom-skolvasendet-ska-utredas/