Asnjë refugjat i përzgjedhur nga kuota e Suedisë nuk ka marrë përgjigje këtë vit

Suedia nuk ka pranuar asnjë refugjat të ri të kuotës gjatë këtij viti, ndërsa vendimi për grupet e ardhshme ende nuk është marrë.

Asnjë refugjat i kuotës nuk ka marrë ende përgjigje për të ardhur në Suedi këtë vit, raporton gazeta suedeze DN.

Gjatë mandatit të kaluar, Suedia kishte mundësi të pranonte rreth 900 refugjatë të kuotës në vit. Por situata këtë vit është krejt ndryshe. Deri tani, në Suedi kanë mbërritur vetëm 25 refugjatë, por ata ishin përzgjedhur që vitin e kaluar.

Vendimi për refugjatët e rinj të kuotës ende nuk është marrë. Agjencia Suedeze e Migracionit, së bashku me Qeverinë suedeze, duhet të vendosë se nga cilat vende do të përzgjidhen refugjatët që do të pranohen në Suedi.

Migrationsverket e ka dërguar propozimin dhe materialet e nevojshme te qeveria në dhjetor të vitit të kaluar, por edhe pas nëntë muajsh ende nuk ka marrë një përgjigje.

Eksperti i Agjencisë Suedeze të Migracionit, Velibor Ljepoja, thotë se institucioni nuk e di pse vendimi po vonohet.

“Ne nuk e dimë arsyen. Për nëntë muaj tani na është thënë se kjo është duke u përgatitur”, thotë Ljepoja.

Kështu, ndërsa në vitet e mëparshme Suedia ka pasur një kuotë prej 900 refugjatësh në vit, këtë vit deri tani kanë ardhur vetëm 25 persona dhe asnjë refugjat i ri nuk është përzgjedhur ende për të ardhur në Suedi.

Burimi: DN

Link:https://www.dn.se/sverige/noll-kvotflyktingar-har-fatt-besked-av-sverige-2026/