Andersson shpreson të formojë qeverinë e re

Kryetarja e Socialdemokratëve, Magdalena Andersson, është optimiste se do të arrijë të formojë një qeveri të re në Suedi. Ajo e tha këtë në një intervistë për Ekot.

Andersson tha se ka zhvilluar biseda të mira me disa, ose me shumicën, e liderëve të partive që janë të përfaqësuara në Parlamentin e Suedisë.

“Kam pasur biseda të mira me disa, ose me shumicën, e liderëve të partive në Parlamentin e Suedisë”, tha Andersson.

Javën e kaluar, kryetari i Parlamentit i dha Magdalena Andersson detyrën për të zhvilluar bisedime për formimin e qeverisë së re.

Ajo thotë se tashmë ka një ide të qartë se me cilat parti mund të vazhdojë bisedimet. Megjithatë, Andersson nuk ka bërë të ditur se për cilat parti bëhet fjalë.

Burimi:Sverigesradio

Link: https://www.sverigesradio.se/artikel/magdalena-andersson-s-om-hur-sonderingsrundorna-gar