Dadgostar: Jemi të gatshëm të diskutojmë për çdo gjë

Për Partinë e Majtë suedeze, Vänsterpartiet, kandidatja për postin e kryeministres vazhdon të jetë liderja e Socialdemokratëve, Magdalena Andersson.

Këtë e deklaroi liderja e Vänsterpartiet, Nooshi Dadgostar, gjatë një konference për shtyp pas takimit me kryetarin e parlamentit suedez, Andreas Norlén.

Dadgostar fajësoi gjithashtu Partinë e Qendrës, Centern, për dështimin e negociatave për formimin e një qeverie mes partive të krahut të majtë. Sipas saj, Centern nuk po arrin të vendosë se në cilën anë dëshiron të qëndrojë.

Dadgostar tha se Vänsterpartiet ka zbutur disa nga kërkesat e saj dhe ka hequr dorë nga disa prej “vijave të kuqe” ndaj Centern, me shpresën se do të ishte e mundur të arrihej një marrëveshje.

“Ne kemi thënë se jemi të gatshëm të diskutojmë për çdo gjë. Le të ulemi vetëm së bashku dhe të bisedojmë”, tha Nooshi Dadgostar.

Megjithatë, një kërkesë e Vänsterpartiet mbetet e pandryshuar. Partia vazhdon të kërkojë poste ministrore në një qeveri të ardhshme.

Burimi: SVT

Link: https://www.svt.se/nyheter/inrikes/senaste-nytt-om-val-2026