Paralajmërim i verdhë për reshje të dendura dëbore në Dalarna, Jämtland dhe Härjedalen

Instituti Meteorologjik dhe Hidrologjik i Suedisë (SMHI) ka lëshuar një paralajmërim të verdhë për reshje të dendura dëbore në veriperëndim të Dalarna-s, në Härjedalen dhe në jugperëndim të Jämtland-it. Lajmi është bërë i ditur nga Ekot, emisioni informativ i radios suedeze SR.

Paralajmërimi vlen nga e marta në mbrëmje deri të mërkurën në mëngjes. Gjatë kësaj kohe, reshjet e dëborës mund të shkaktojnë probleme në trafik, për shkak të dukshmërisë së dobët, dëborës që ngrihet nga era dhe rrugëve të rrëshqitshme.

SMHI paralajmëron për vështirësi në qarkullim

Sipas SMHI-së, lëvizja në trafik mund të jetë e vështirë për shkak të dëborës që do të mbulojë rrugët, aksidenteve rrugore ose automjeteve që mund të mbeten të bllokuara.

Instituti paralajmëron gjithashtu për vonesa dhe anulime të mundshme të nisjeve të transportit publik.

Sipas parashikimit të motit, pritet të bien rreth 10 centimetra dëborë në zonat e prekura. Në disa vende, sasia e dëborës mund të arrijë nga 15 deri në 20 centimetra.

Për shkak të këtyre kushteve, udhëtarët duhet të jenë të përgatitur për vështirësi në rrugë, dukshmëri të dobët dhe probleme të mundshme me transportin publik gjatë periudhës kur paralajmërimi është në fuqi.

Burimi:SMHI/Sverigesradio

Link: https://www.smhi.se/vader/prognoser-och-varningar/varningar-och-meddelanden/varningar

https://www.sverigesradio.se/artikel/smhi-gul-varning-for-sno-pa-flera-hall