38 autobusë të kuq të SL-së janë zhdukur dhe janë raportuar si të vjedhur

38 autobusë të kuq të kompanisë së transportit publik SL, të markës MAN, janë zhdukur dhe janë regjistruar si të vjedhur pranë Larmtjänst dhe Agjencisë Suedeze të Transportit (Transportstyrelsen). Lajmi është bërë i ditur nga gazeta suedeze Aftonbladet.

Kompania rajonale e transportit ka bërë të ditur se autobusët janë nxjerrë jashtë përdorimit dhe se ishte planifikuar t’i shiteshin një pale të tretë.

Në një koment zyrtar, përfaqësuesja e shtypit e kompanisë, Sophie Gunnarsson, konfirmoi se SL ka bërë kallëzim në polici për rastin.

“Mund të konfirmojmë se SL ka bërë një kallëzim në polici. Sa u përket palëve të përfshira në këtë çështje, bisedimet mes tyre janë ende në zhvillim”, deklaroi Gunnarsson.

Deri më tani, kompania ka bërë të ditur se dialogu për palët e përfshira është ende duke vazhduar.

Burimi: Aftonbladet

Link:https://www.aftonbladet.se/nyheter/a/qymgxO/38-sl-bussar-anmalda-som-stulna