Të majtët dhe të gjelbërit bien dakord për ligjin që synon të ndalojë dëbimin e adoleshentëve

Partitë e kampit të kuq dhe të gjelbër në Suedi kanë rënë dakord se si duhet të hartohet ligji që synon të ndalojë dëbimin e adoleshentëve. Lajmi bëhet i ditur nga agjencia suedeze e lajmeve TT, e cila citon burime të saj.

Sipas TT-së, partitë e kanë marrë këtë vendim të enjten, gjatë një mbledhjeje të Komisionit Parlamentar për Sigurimet Shoqërore në Parlamentin suedez.

Megjithatë, për momentin nuk dihet se si do të formulohet ligji, pasi përmbajtja e tij nuk është bërë ende publike.

Gjithashtu, mbetet e paqartë nëse Agjencia Suedeze e Migracionit do t’i pezullojë dëbimet deri në miratimin e ligjit nga parlamenti.

Gjatë mandatit të kaluar, Agjencia e Migracionit kishte pezulluar dëbimet për një grup të caktuar të rinjsh që kishin mbushur moshën madhore. Ky vendim ishte marrë në një kohë kur po shqyrtohej një propozim për ndryshime ligjore, i cili më vonë u rrëzua.

Tashmë, pas marrëveshjes së re mes partive të kampit të kuq dhe të gjelbër, pritet të bëhet e qartë se si do të hartohet ligji dhe nëse dëbimet do të ndalen përkohësisht deri në miratimin e tij.

Burimi: Omni/TT

Link:https://tt.omni.se/uppgift-rodgrona-eniga-om-hur-stopplag-ska-se-ut/a/8GA4QG