Agjencia e Punëdhënësve Shtetërorë të Suedisë (Arbetsgivarverket) dëshiron të vendosë teste të rastësishme për drogë në vendet e punës në sektorin shtetëror.

Agjencia e Punëdhënësve Shtetërorë të Suedisë (Arbetsgivarverket) dëshiron të vendosë teste të rastësishme për drogë në vendet e punës në sektorin shtetëror. Por kjo nismë është kundërshtuar nga sindikata Fackförbundet ST, e cila vlerëson se testet e tilla cenojnë privatësinë e punonjësve.

Åsa Erba Stenhammar, përgjegjëse për negociatat në sindikatën Fackförbundet ST, shkruan në rubrikën e debatit të gazetës SvD se testimi i punonjësve pa pasur dyshime konkrete për përdorim droge do të ishte cenim i privatësisë së tyre.

Ajo thekson se Kushtetuta e Suedisë i mbron punonjësit e shtetit nga ndërhyrjet e detyruara në trupin e tyre, nëse këto nuk kanë bazë ligjore.

Sipas saj, një test i papritur për drogë mund të dëmtojë besimin mes punëdhënësit dhe punonjësve.

Stenhammar paralajmëron se trajtimi i të gjithë punonjësve si persona që mund të abuzojnë me drogën mund të dobësojë kulturën e besimit në vendin e punës.

“Një sistem ku të gjithë konsiderohen si persona që mund të abuzojnë me drogën e minon kulturën e besimit, e cila është thelbësore në organizatat që mbështeten te njohuritë dhe në institucionet shtetërore“, shkruan ajo në SvD Debatt.

Burimi: SVD

Link: https://www.svd.se/a/p1v0bV/drogtester-utan-misstanke-gar-for-langt