Lajme

Nga 1 dhjetori rritet çmimi i karburantit, hiqen edhe disa ndihma financiare për familjet

todayNovember 21, 2026 28

Background
share close

Nga muaji dhjetor, familjet në Suedi do të përballen me shpenzime më të larta. Më 1 dhjetor përfundon ulja e përkohshme e taksës për benzinën dhe naftën, ndërsa çmimi i karburantit pritet të rritet me rreth 3 korona për litër. Lajmin e bën të ditur gazeta suedeze DN.

Megjithatë, rritja e çmimit nuk varet vetëm nga taksat, por edhe nga zhvillimet në tregun botëror. Këtë e thekson Alexandra Stråberg, kryeekonomiste në kompaninë e sigurimeve Länsförsäkringar.

Sipas saj, çmimet e karburanteve ndryshojnë vazhdimisht dhe gjatë kohëve të fundit kanë pësuar një rënie të ndjeshme. Për këtë arsye, rikthimi i taksës në nivelin e mëparshëm nuk do të thotë se çmimet do të arrijnë nivele shumë të larta.

“Çmimet e karburanteve luhaten gjatë gjithë kohës dhe së fundmi kanë rënë ndjeshëm. Prandaj, rikthimi i taksës nuk do të bëjë që çmimet të arrijnë nivele të reja rekord”, shpjegon Stråberg.

Por karburanti nuk është i vetmi shpenzim që do të rëndojë më shumë buxhetin e familjeve. Më 2 dhjetor përfundon edhe ulja me 50% e çmimit të kartës mujore të transportit publik. Kjo do të thotë se udhëtarët do të duhet të paguajnë përsëri çmimin e plotë të kartës mujore.

Një tjetër mbështetje financiare që do të hiqet është mbrojtja nga faturat e larta të energjisë elektrike, e njohur si högkostnadsskydd. Kjo masë do të përfundojë në ndërrimin e viteve.

Arsyeja pse këto ndihma nuk do të vazhdojnë është se ende nuk ka një qeveri të re në detyrë që të vendosë për zgjatjen e tyre.

Sipas kryeekonomistes Alexandra Stråberg, heqja e këtyre mbështetjeve do të ndihet drejtpërdrejt në xhepat e familjeve suedeze, të cilat do të duhet të përballojnë vetë shpenzimet më të larta për karburantin, transportin publik dhe energjinë elektrike.

Burimi: DN

Link: https://www.dn.se/sverige/snart-blir-det-dyrare-att-tanka-flera-krisstod-forsvinner-i-december/

Written by: admin

Rate it

Rreth Nesh

Scandinavian-Albania-Radio është radio më e re në hapsirën mediatike Skandinave dhe konkretisht në Suedi me vendndodhje në adresën: Industrigatan 44a 57138 Nassjo.

contact us

Shkarko APP