Afrosuedezët përballen me diskriminim të rëndë në shkollat suedeze: “Situata është alarmante”

Diskriminimi ndaj afrosuedezëve dhe nxënësve me aftësi të kufizuara në shkollat suedeze ka arritur nivele shqetësuese, sipas një raporti të fundit nga Ombudsmani për Diskriminimin (DO). Rastet e raportuara përfshijnë abuzim verbal me fjalën e njohur si “fjala n”, grafiti racist dhe përjashtim social, deri edhe në raste të rënda të dhunës fizike, raporton TV4 Nyheterna.

Lars Arrhenius, Ombudsman për Diskriminimin, e cilësoi situatën si serioze dhe u bëri thirrje autoriteteve që të ndërhyjnë për të adresuar problemet e përhapura të diskriminimit.

Gjatë periudhës 2020-2023, janë regjistruar 514 ankesa të lidhura me përkatësinë etnike, dhe rreth një e pesta e të prekurve janë nxënës afrosuedezë.

“Është koha të veprohet me urgjencë për të ndaluar këto sjellje të papranueshme në shkolla,” tha Arrhenius.