Akulli i rrezikshëm shkakton vërshim pacientësh në urgjencat e Skåne-s

Akulli i papritur të mërkurën në mbrëmje shkaktoi një vërshim të madh pacientësh në repartet e urgjencës në Malmö dhe Lund, raporton gazeta Sydsvenskan. Si pasojë, numri i pacientëve me lëndime në krahë dhe këmbë u rrit me rreth 40%. Në shifra, kjo do të thotë rreth 140 pacientë në vend të 100.

Për shkak të situatës, stafi mjekësor u përball me presion të madh. Disa punonjës u detyruan të punojnë orë shtesë, ndërsa kohët e pritjes u zgjatën, madje edhe për ndërhyrjet kirurgjikale në sallat e operacionit.

“Kemi pasur një ngarkesë shumë të madhe dhe pritje më të gjata, thotë Andreas Gyldenkærne”, shef seksioni në urgjencën e Malmö-s.

Sipas tij, pritet edhe një valë e dytë pacientësh. Kjo do të ndodhë të enjten pasdite, kur persona që janë rrëzuar dhe fillimisht kanë kërkuar ndihmë në qendrat shëndetësore do të dërgohen më pas në urgjencë.