Akullorja gjithnjë e më e shtrenjtë. Eksperti: Merreni me vete në termus

Edhe pse çmimet në përgjithësi po stabilizohen, akullorja po bëhet gjithnjë e më e shtrenjtë. Sipas të dhënave nga Suedia, çmimi i akullores është rritur me 22% gjatë tre viteve të fundit.

Kjo godet më së shumti familjet me fëmijë, që shpesh blejnë akullore kur janë në pushime apo në plazh.

Magnus Hjelmér, ekonomist në Ica-banken, jep një këshillë të thjeshtë për të kursyer:

“Bli akullore në paketime me shumë copa nga dyqani dhe vendosi në termus. Merri me vete në plazh dhe do të paguash shumë më pak”, thotë ai për Sveriges Radio.

Sipas tij, kjo mënyrë mund të përgjysmojë shpenzimet për akullore gjatë verës.