Alarm për mashtrim çmimesh gjatë Black Friday, 85 ankesa në vetëm një javë.

Gjatë javës së fundit, pranë Autoritetit Suedez të Konsumatorit janë paraqitur 85 ankesa për mashtrim me çmimet gjatë ofertave të Black Friday dhe Black Week. Lajmi raportohet nga Dagens Nyheter dhe Expressen, duke cituar agjencinë e lajmeve Siren.

Në këto ankesa përmenden gjithsej 17 kompani, ndër të cilat Jysk, Apotea dhe Webhallen rezultojnë të raportuarat më shpesh. Konsumatorët pretendojnë se disa dyqane rrisin çmimet para periudhës së zbritjeve, për t’i paraqitur më pas si ulje të mëdha.

Disa nga kompanitë e ankuara janë paralajmëruar edhe më parë nga Ombudsmani i Konsumatorit, i cili u ka kërkuar të përmirësojnë mënyrën e marketingut dhe u ka kërcënuar me gjoba të mëdha nëse nuk respektojnë rregullat.