Alarm për shëndetin e fëmijëve në Suedi – Mbipesha dhe diabeti në rritje

Gjithnjë e më shumë fëmijë dhe të rinj në Suedi po përballen me probleme serioze shëndetësore, si mbipesha, diabeti i tipit 2 dhe dëmtimet nga aciditeti në dhëmbë. Këtë e bën të ditur Autoriteti i Shëndetit Publik në një raport të fundit, ku theksohet se problemet shëndetësore lidhen kryesisht me një konsum jo të shëndetshëm të ushqimit.

Sipas ekspertëve, tendenca në rritje e këtyre sëmundjeve është shqetësuese dhe kërkon masa të menjëhershme për të përmirësuar zakonet ushqimore të fëmijëve dhe të rinjve.

Autoritetet shëndetësore bëjnë thirrje për një qasje më të rreptë ndaj industrisë ushqimore dhe për më shumë ndërgjegjësim rreth ushqyerjes së shëndetshme, si një mënyrë për të parandaluar pasojat afatgjata për brezat e ardhshëm.