Lajme

Arbetsförmedlingen ndërpret mbështetjen për arsimimin e personave me aftësi të kufizuara në disa zona të Suedisë

todayNovember 19, 2026 22

Background
share close

Agjencia Suedeze e Punësimit (Arbetsförmedlingen) ka vendosur të ndërpresë në disa pjesë të Suedisë mundësinë e përfitimit nga një program i veçantë që ndihmon personat me aftësi të kufizuara të ndjekin arsimim dhe trajnime profesionale.

Lajmi është bërë i ditur nga TV4 Nyheterna. Bëhet fjalë për programin IPSU, i cili ofron mbështetje individuale pedagogjike gjatë arsimimit, me qëllim që personat me aftësi të kufizuara të kenë mundësi të marrin pjesë në trajnimet profesionale të organizuara për tregun e punës.

Përmes këtij programi, pjesëmarrësit mund të marrin ndihmë në planifikimin e studimeve, organizimin e orarit dhe krijimin e rutinave gjatë procesit mësimor. Gjithashtu, atyre u sigurohen mjete dhe pajisje të posaçme që ua lehtësojnë ndjekjen e mësimeve.

Sipas Arbetsförmedlingen, vendimi për ndërprerjen e këtij shërbimi në disa zona lidhet me numrin e madh të personave që kanë nevojë për këtë mbështetje, i cili ka rezultuar më i lartë nga sa ishte parashikuar fillimisht.

“Kjo ndodh sepse nevoja ka qenë më e madhe nga sa kishim vlerësuar kur u zhvillua procesi i prokurimit në vitin 2022”, deklaron Tomislavka Barisic-Ljungholm, drejtuese e një njësie në Arbetsförmedlingen.

Programi IPSU ka për qëllim t’u japë personave me aftësi të kufizuara mundësi të barabarta për të ndjekur trajnime profesionale dhe për të fituar njohuritë e nevojshme për t’u përfshirë në tregun e punës.

Burimi: TV4/Arbetsformedlingen

Link: https://www.tv4.se/artikel/6J5gPBa6QdcUdSL0KN1GyT/funktionsnedsatta-stoppas-fran-utbildningar-det-maste-atgaerdas

https://arbetsformedlingen.se/for-leverantorer/arbetsmarknadstjanster/individuellt-pedagogiskt-stod-vid-utbildning-for-personer-med-funktionsnedsattning

Written by: admin

Rate it

Rreth Nesh

Scandinavian-Albania-Radio është radio më e re në hapsirën mediatike Skandinave dhe konkretisht në Suedi me vendndodhje në adresën: Industrigatan 44a 57138 Nassjo.

contact us

Shkarko APP