Ari arrin nivel rekord prej 2⁠ 700 dollarësh për shkak të krizave globale

Ari po arrin nivele të paprecedenta në tregjet ndërkombëtare, duke u tregtuar për herë të parë mbi 2⁠ 700 dollarë për ons. Kjo është një rritje e ndjeshme krahasuar me fillimin e këtij viti, kur çmimi qëndronte në 2⁠ 064 dollarë për ons.

Sipas ekspertëve, rritja e fundit është nxitur nga trazirat në Lindjen e Mesme dhe pasiguria për zgjedhjet presidenciale në SHBA, faktorë që po nxisin investitorët të orientohen drejt arit si një aset i sigurt. Përveç kësaj, uljet e normave të interesit dhe blerjet e mëdha të arit nga bankat qendrore janë arsye të tjera që kanë shtyrë çmimin e këtij metali të çmuar drejt rekordeve të reja.

Kjo lëvizje e tregut vjen në një periudhë të pasigurt ekonomike dhe gjeopolitike, me investitorët që po kërkojnë mbrojtje nga luhatjet në tregjet tradicionale të kapitalit.

Burimi:Omni