Autoriteti nis metodë të re për të ndaluar mashtrimet me pensionet

Autoriteti i Pagesave ka filluar testimin e një metode të re për të parandaluar pagesat e gabuara të pensioneve dhe ndihmave të tjera shtetërore, raporton Sydsvenskan. Qëllimi kryesor është identifikimi i atyre që marrin pensione apo ndihma, pavarësisht se jetojnë jashtë vendit ose kanë ndërruar jetë.

Kontrollet e reja përfshijnë edhe përfituesit e ndihmave për paaftësi, pagesave prindërore dhe ndihmave për fëmijë, të cilët nuk banojnë më në Suedi.

Sipas drejtorit të përgjithshëm të agjencisë, Per Eleblad, metoda bazohet në analizimin e të dhënave dhe gjurmëve digjitale, por detajet specifike mbeten konfidenciale.

“Do të zgjerojmë këtë proces ndjeshëm gjatë pranverës,” deklaroi Eleblad, duke shtuar se nëse metoda provon të jetë efektive, kontrolli do të bëhet më i gjerë dhe më i rreptë.

Kjo nismë pritet të rrisë ndjeshëm efektivitetin e administrimit të ndihmave shtetërore dhe të ndalojë mashtrimet që rëndojnë buxhetin publik.