BankID me njoftim të rëndësishëm para 1 janarit. Ja si ndikon te përdoruesit

BankID ka dhënë një njoftim të rëndësishëm përpara ndërrimit të viteve, ndërsa shërbimi po përgatitet për një ndryshim të madh që nis më 1 janar 2026.

Sot, 99,9% e suedezëve të moshës 18–67 vjeç përdorin BankID. Vetëm gjatë vitit 2024, mbi 8,6 milionë përdorues kryen rreth 7,6 miliardë identifikime dhe nënshkrime. Tani, BankID po merr një rol të ri në sistemin publik të vendit.

Miratimi nga Digg

BankID ka marrë miratimin nga Agjencia Suedeze për Administratë Dixhitale, Digg, për t’u përfshirë në sistemin e ri të autorizimit për identifikim elektronik.

Ky sistem do të fillojë të përdoret nga 1 janari 2026.

Digg ka shqyrtuar kompaninë Finansiell ID-Teknik BID AB, e cila zotëron BankID, dhe ka konfirmuar se shërbimi plotëson të gjitha kërkesat.

Edhe Freja eID është tashmë e miratuar si një e-legjitimacion tjetër.

Çfarë është sistemi i ri i autorizimit?

Ky është model i ri shtetëror për mënyrën se si institucionet do të përdorin e-legjitimacionet në të ardhmen.

Nga fillimi i vitit të ardhshëm, të gjitha institucionet shtetërore, komunale dhe rajonale do të blejnë shërbime të identifikimit elektronik përmes këtij sistemi standard.

Për të qenë pjesë, ofruesit duhet të aplikojnë, të kontrollohen dhe të nënshkruajnë marrëveshje me Digg.

Pasi të miratohen, shërbimet e tyre mund të përdoren në gjithë sektorin publik përmes marrëveshjeve të gatshme, në vend që çdo institucion të bëjë prokurim më vete.

Sipas Digg.

Më shumë se një e-legjitimacion

Sot, shumë shërbime online funksionojnë vetëm me një e-legjitimacion zakonisht BankID. Nëse BankID bie nga sistemi, preken miliona përdorues njëkohësisht.

Sistemi i ri do ta bëjë të mundur që të përdoren disa e-legjitimacione në të njëjtën kohë.

Kjo ul rrezikun e ndërprerjeve dhe i lejon njerëzit të hyjnë edhe nëse një ofrues ka probleme teknike.

Sistemi i ri në vitin 2026  çfarë ndryshon për ju

Sistemi i ri synon të rrisë edhe lirinë e zgjedhjes. Në vend që përdoruesit të detyrohen të përdorin një e-legjitimacion të caktuar, do të kenë më shumë mundësi që funksionojnë me të njëjtat institucione.

Kjo është veçanërisht e rëndësishme për njerëzit që nuk mund ose nuk duan të përdorin një zgjidhje të caktuar, por që prapë kanë nevojë për shërbimet publike digjitale.

Për shumicën e përdoruesve, ndryshimi nuk do të shihet drejtpërdrejt.

Ata do të vazhdojnë të shohin opsionin “Identifikohu me BankID” në faqet e institucioneve.

Dallimi është se, nga viti 2026, gjithnjë e më shumë prej këtyre identifikimeve do të thithen nga sistemi i ri shtetëror ku BankID është tani një nga e-legjitimacionet e miratuara.

Burimi: Nyheter24