BankID sjell funksion të ri sigurie, ndryshimet hyjnë në fuqi nga sot.

BankID ka prezantuar një funksion të ri për të rritur sigurinë dhe për të ulur rrezikun e mashtrimeve gjatë pagesave dhe nënshkrimeve elektronike.

Sipas raportimeve të mëhershme të nga media Suedeze Nyheter24, BankID ka krijuar një sistem të ri pagesash që e bën më të qartë për përdoruesit se kur paratë po transferohen nga llogaria e tyre drejt një kompanie ose institucioni shtetëror.

Me përditësimin e ri, bankat do të kenë mundësi të dërgojnë paralajmërime direkt në aplikacion gjatë momentit të nënshkrimit, në rast se diçka duket e dyshimtë. Paralajmërimi mund të shfaqet për raste si:

• transferime me shuma të mëdha parash,
• pagesa drejt vendeve jashtë shtetit,
• ose kur paratë po dërgohen te një marrës i ri.

Megjithatë, janë vetë bankat, kompanitë dhe institucionet ato që vendosin nëse do ta përdorin këtë funksion dhe në çfarë mënyre.

Çfarë është BankID?

BankID është një identitet elektronik që përdoret në Suedi për identifikim dhe nënshkrim dokumentesh direkt nga telefoni mobil.

Sipas të dhënave të BankID:

• aplikacioni ka 8.7 milionë përdorues unikë,
• kjo përfaqëson 99.9% të qytetarëve të regjistruar në Suedi nga mosha 18 deri në 67 vjeç,
• ndërsa gjatë vitit 2025, BankID është përdorur rreth 7.9 miliardë herë.

Në Suedi përdoret edhe një identitet tjetër elektronik i quajtur Freja.

Ndryshime të reja gjatë telefonatave

BankID ka bërë ndryshime edhe për rastet kur pagesat ose nënshkrimet kryhen gjatë një telefonate aktive.

Në një njoftim për media, kompania shkruan:

“Me rrjedhën tonë të re të pagesave për telefoni, përmes tekstit dhe ikonave, klienti do ta kuptojë më qartë momentin kur duhet të kryejë një pagesë gjatë një bisede telefonike.”

Në kontrollin e ri të sigurisë, përdoruesi mund të tregojë nëse telefonatën e ka bërë vetë apo është telefonuar nga dikush tjetër.

Gjithashtu, gjatë nënshkrimit do të bëhet më e qartë se përdoruesi po miraton një pagesë ndërsa ndodhet në një telefonatë.

Burimi: Nyheter24

Link:https://nyheter24.se/nyheter/ekonomi/privatekonomi/1477369-bankid-far-ny-funktion-borjar-galla-i-dag?utm_term=Autofeed&utm_medium=EB-Social&utm_source=Facebook&fbclid=IwdGRleARkNlRleHRuA2FlbQIxMQBzcnRjBmFwcF9pZAo2NjI4NTY4Mzc5AAEej2PB2xSJT4PVUG4TfRgz4APx0LTdZAhnaXLjoY-uUy-10658udDZ7N4hdw8_aem_-CF1lNeaSfP41IEzwwJrfg