“Barnmorskan” Mamia: “Me ligjin e ri, ne bëhemi informatorë në mënyrë indirekte”

Mamija Emma Gasslander shpreh shqetësimin se personeli shëndetësor po bëhet në mënyrë indirekte informator për autoritetet, si pasojë e detyrimit për të dhënë informacion që hyri në fuqi gjatë verës.

Gasslander e ka ngritur këtë shqetësim në një intervistë për gazetën Dagens Nyheter (DN).

Sipas saj, personeli shëndetësor nuk përfshihet drejtpërdrejt në ligjin për detyrimin e informimit. Megjithatë, mamitë kanë një detyrë të rëndësishme: ato duhet të regjistrojnë foshnjat e porsalindura pranë Agjencisë Suedeze të Taksave (Skatteverket). Ky regjistrim bëhet për të konfirmuar se fëmija ekziston dhe për të përcaktuar se kush është nëna.

Problemi, sipas Gasslander, është se Skatteverket përfshihet në detyrimin për të dhënë informacion. Kjo do të thotë se, sipas ligjit, autoriteti duhet t’i japë policisë të dhëna për identitetin e nënës, si dhe për kohën dhe vendin.

“Ne punojmë si mami, jo si policë kufitarë”, thotë Emma Gasslander për Dagens Nyheter.

Megjithatë, Skatteverket jep një sqarim në faqen e tij zyrtare. Autoriteti shkruan se të dhënat që jepen kur regjistrohet një fëmijë nuk janë të mjaftueshme për t’iu dorëzuar policisë.

Kështu, ndërsa mamia shpreh shqetësimin se personeli shëndetësor mund të përfshihet në mënyrë indirekte në raportimin e personave, Skatteverket thekson se informacioni që merret gjatë regjistrimit të një fëmije nuk mjafton për t’u dërguar policisë.

Burimi:DN

Link:https://www.dn.se/sverige/barnmorskor-star-infor-etisk-konflikt/