Çdo i katërti suedez mendon se demokracia është në rrezik

Një sondazh nga Novus tregon se 44% e suedezëve besojnë se demokracia në Suedi është e kërcënuar, raporton TV4 Nyheterna. Kjo është një rritje prej pesë pikë përqindjeje krahasuar me të njëjtin sondazh vitin e kaluar.

Sipas qytetarëve, kërcënimet më të mëdha ndaj demokracisë janë ndikimet e huaja dhe përhapja e dezinformatave. Pas tyre renditen kriminaliteti dhe mungesa e njohurive për shoqërinë.

Drejtori i Novus, Torbjörn Sjöström, thotë se urrejtja, kërcënimet dhe ndikimet nga shtete të tjera,  si ato të lidhura me aplikimin e Suedisë për në NATO,  kanë ndikuar në perceptimin e njerëzve për demokracinë.

“Ne vazhdimisht kujtohemi sa e brishtë është demokracia”, thotë ai për TV4.