Çifti Mbretëror në Ceremoninë e Kujtimit në Örebro: “I gjithë shteti është në zi”

Çifti mbretëror, Mbreti Carl Gustav dhe Mbretëresha Silvia, morën pjesë në ceremoninë e kujtimit për viktimat e masakrës në shkollën Risbergska në Örebro, të zhvilluar të mërkurën, një ditë pas tragjedisë që tronditi vendin. Mbretëresha Silvia, e mbushur me emocion, vendosi një buqetë të madhe me lule të bardha dhe u duk e shqetësuar, duke qarë për humbjen e jetëve.

– I gjithë shteti është në zi sot, tha Mbreti Carl Gustav, sipas Aftonbladet.

Ai shtoi se është e rëndësishme që të prekurit të ndihen të mbështetur dhe se dhimbja nuk është diçka që duhet përballuar vetëm.

– Procesi i mbijetesës është i vështirë dhe i dhimbshëm, por besoj se e gjithë Suedia është me ata që kaluan këtë ngjarje të tmerrshme, theksoi Mbreti.

Mbretëresha Silvia shprehu shqetësimin për atë që ka ndodhur me “Suedia e bukur”, duke theksuar dëshirën e saj për t’i dhënë vendit një të ardhme më të mirë.

– Është një dëshirë e madhe nga unë dhe Mbreti që ta rindërtojmë Suedinë e bukur, tha ajo.

Masakra në shkollën Risbergska në Örebro la pas 11 të vdekur dhe një shoqëri të tronditur, duke lënë pas një pasiguri të madhe në vendin nordik.