Çmimi i naftës rritet në Suedi: “Ndjehet shumë në ekonominë familjare”

Çmimi i naftës në Suedi është rritur ndjeshëm gjatë javës së fundit, raportojnë mediat suedeze. Në një pikë karburanti në qytetin e Sundsvall, një litër naftë tani kushton rreth 21 korona.

Rritja e çmimit po ndihet drejtpërdrejt nga qytetarët. Niklas Wennman tha për gazetën Sundsvalls Tidning se kjo ndikon shumë në ekonominë personale.

“Ndjehet shumë në ekonominë familjare kur mbushja e një rezervuari po i afrohet 1 400 koronave,” tha ai.

Çmimet e larta të karburantit po prekin edhe fermerët. Fermerja Cecilia Kähäri nga Värmland thotë se situata është e vështirë edhe për të. Në fermën e saj ka rreth 100 lopë dhe disa dema.

Ajo tregon se çmimet e larta të karburantit më parë e kanë bërë të mendojë edhe për mbylljen e aktivitetit të fermës.

“Është vërtet e dhimbshme. Ka njerëz në luftë, por edhe shumë të tjerë që vuajnë nga pasojat e kësaj situate,” tha ajo për Sveriges Radio.

Burimi: Sverigesradio/Sundsvalls Tidning/bensinpriser

Link: https://www.sverigesradio.se/artikel/hojt-dieselpris-drabbar-lantbrukare-i-varmland

https://bensinpriser.nu/stationer/diesel/alla/alla

https://www.st.nu/2026-03-11/dieselpriset-rusar-det-kanns/