Çmimi i një jave pushimi në malet e skive po rritet vazhdimisht

Çmimi për një javë pushimi në malet e skive vazhdon të rritet. Sot, një familje paguan mesatarisht 33 009 korona suedeze për një javë gjatë pushimeve (sportlov).

Këtë e tregon një analizë e bërë nga shërbimi i krahasimit të çmimeve Zmarta, për të cilën ka raportuar edhe emisioni Nyhetsmorgon i TV4.

Sipas ekonomistit të familjeve, Ola Söderlind, çmimi i një jave skish është rritur shumë viteve të fundit.

“Në gjashtë vjet, çmimi është rritur me rreth 30 për qind”, thotë ai në program.

Ndërkohë, pagat nuk janë rritur në të njëjtin nivel. Sot, një javë skish kushton rreth 52% të të ardhurave mesatare të një familjeje. Në vitin 2020, çmimi ishte 25 417 korona, që përbënte 39% të të ardhurave familjare.

Sportlov nuk zhvillohen në të njëjtën javë në të gjithë vendin. Java 9, kur banorët e Stokholmit kanë pushime, është java më e shtrenjtë për të shkuar për ski. Java që vjen pas saj është më e lira.

Dallimi i çmimit mes këtyre javëve është pothuajse 6 000 korona.

Burimi: zmarta.se/ Tv4

Link: https://www.zmarta.se/tips-rad/nyheter/vad-kostar-skidsemestern-pa-sportlovet

https://www.tv4.se/artikel/1s7q7tREsLchWgqkwmFEL9/skidresan-aeter-upp-allt-stoerre-del-av-manadsinkomsten