CSN-ja rrit ndihmën për studentët nga janari 2027

Studentët në Suedi do të marrin më shumë para nga CSN-ja duke filluar nga janari i vitit 2027.

Studiebidrag, pra ndihma e studimit, do të rritet me 28 krona. Në të njëjtën kohë, kredia studentore nga CSN-ja do të rritet me 67 krona.

Ndryshimi vjen pasi qeveria ka vendosur që prisbasbeloppet, ose baza e çmimeve, për vitin e ardhshëm të jetë 50 600 krona.

13 684 krona për katër javë

Nga janari 2027, studentët që marrin studiemedel të plotë, pra mbështetjen e plotë për studime, do të marrin gjithsej 13 684 krona për katër javë studimi.

Kjo shumë përfshin mbështetjen që studentët marrin nga CSN-ja në formën e ndihmës dhe kredisë studentore.

Rritet edhe kufiri për të ardhurat

Do të rritet edhe fribeloppet. Ky është kufiri se sa para mund të fitojë një student nga puna përpara se CSN-ja të fillojë të kufizojë mbështetjen financiare.

Kufiri do të rritet me 775 krona.

Për studentët që studiojnë me kohë të plotë për 20 javë, kufiri i ri do të jetë 115 451 krona.

Pra, nga viti 2027, studentët që marrin studiemedel do të kenë mundësi të fitojnë deri në 115 451 krona gjatë 20 javëve të studimit me kohë të plotë, përpara se të ndikojë kjo në shumën që marrin nga CSN-ja.

Burimi: Regeringen

link: https://regeringen.se/pressmeddelanden/2026/09/prisbasbeloppfor-2027-faststallt/