Danimarka planifikon të ndalojë rrjetet sociale për fëmijët nën 15 vjeç

Qeveria e Danimarkës ka njoftuar se dëshiron të vendosë ndalim të disa rrjeteve sociale për fëmijët nën moshën 15 vjeç, ka deklaruar kryeministrja Mette Frederiksen.

Frederiksen e bëri publik këtë propozim gjatë fjalimit të saj në hapjen e parlamentit danez (Folketinget), raporton agjencia suedeze TT.

Sipas kryeministres, telefonat celularë dhe rrjetet sociale po ua vjedhin fëmijëve fëmijërinë dhe po ndikojnë negativisht në zhvillimin e tyre.

Ajo shtoi se është koha për të marrë masa konkrete për të mbrojtur fëmijët nga ndikimi i tepërt i teknologjisë dhe mediave sociale.

Masa të ngjashme, për kufizimin ose ndalimin e përdorimit të rrjeteve sociale nga të miturit, po diskutohen edhe në disa vende të tjera.