Danimarka rrit ndjeshëm buxhetin për mbrojtjen – 120 miliardë korona për ushtrinë

Qeveria daneze ka vendosur të rrisë ndjeshëm investimet në mbrojtje si përgjigje ndaj përkeqësimit të situatës së sigurisë në Evropë. Pas një marrëveshjeje me disa parti politike, Kopenhageni ka alokuar 120 miliardë korona daneze për ushtrinë deri në vitin 2033.

Sipas raportimeve të DR, fondet do të përdoren për rekrutimin e më shumë personelit ushtarak dhe për blerjen e pajisjeve të reja luftarake. Qeveria synon të forcojë kapacitetet mbrojtëse të vendit për të përballuar sfidat e reja gjeopolitike.

Ky vendim vjen në një kohë kur shumë vende të Evropës po investojnë më shumë në mbrojtje, si përgjigje ndaj tensioneve të rritura ndërkombëtare.